Saturday, October 29, 2016

KOCHA MPYA WA YANGA KIBARUANI LEO

Kocha ‘mpya’ Yanga kuanza kazi leo dhidi ya Mbao FC

Kocha Hans Van Der Pluijm akiingoza mazoezi ya Yanga

Kocha ‘mpya’ wa klabu ya soka ya Yanga Hans Van Der Pluijm leo atakuwa na kibarua kizito wakati wababe hao wa jiji la Dar es salaam watakapo wakaribisha Mbao fc kutoka jijini Mwanza katika uwanja wa Uhuru jijini Dar es salaam katika muendelezo wa ligi kuu ya soka Tanzania Bara.
Mbao FC wamefungwa jumla ya mabao manne huku wao wakifunga bao moja dhidi ya timu za Dar es salaam (walifungwa bao 3-1 na African Lyon na pia walifungwa bao 1-0 na Simba Sc katika uwanja wa uhuru) hivyo watakuwa wakitaka kujisafisha na kubadili taswira yao ya kupoteza michezo dhidi ya timu za Dar
Kwa upande wa Yanga Kocha Juma Mwambusi leo atarudi kuwa msaidizi baada ya kocha mkuu Hans Van Der Pluijm kurejea madarakani rasmi kufuatia kukataliwa kwa ombi lake la kujiuzulu jamboambalo limefurahiwa kwa kiasi kikubwa na mashabiki wa Yanga.