Abdul Hillary Hassan chipukizi mtanzania anaesakata kabumbu kenya

Chipukizi wa Tanzania apiga dakika tisini, Mabingwa Kenya wakishinda

Abdul ( mwenye mpira ) akiambaa na mpira huku akichungwa na kiungo wa Palos. 

---

Kocha wa zamani wa Azam, George Nsimbe ambaye kwa sasa anawafundisha mabingwa wa Ligi Kuu Kenya, Tusker alimchezesha kiungo wa Tanzania Abdul Hillary Hassan kwa dakika zote 90 dhidi ya Palos.

Katika pambano hilo la kirafiki lililopigwa jijini Kisumu, Kenya Tusker waliibuka na ushindi wa mabao 4-2.

Tusker walianza kufunga bao LA kuongoza dakika ya 34 kupitia kwa Noah Wafula aliyeunganisha kwa kichwa krosi ya Samuel Olwande.

Tusker walipata bao la pili kupitia kwa Michael Khamati dakika ya 40 lakini Eustus Ochieng’ akawafungia wenyeji Palos bao dakika moja baadaye na kuwafanya Tusker kwenda mapumziko wakiwa mbele kwa mabao 2-1.

Kipindi cha pili mghana Stephen Owusu aliipatia Tusker bao la tatu kabla ya Victor Ndinya kuongeza la nne.

John Wanda aliifungia Palos bao la pili la kufutia machozi na kuufanya mchezo kumalizika kwa ushindi wa Tusker wa mabao 4-2.

Abdul alisajiliwa hivi karibuni na mabingwa hao wa Kenya wanaojiandaa kucheza dhidi ya Al Hilal ya Sudan katika Ligi ya Mabingwa Afrika.