TAARIFA KUHUSU JEZI FEKI ZA YANGA

TAARIFA YA JEZI FEKI ZA YANGA
Uongozi wa Yanga unapenda kuwatangazia wanachama, mashabiki na wapenzi kuwa klabu bado haijatoa jezi rasmi za kuvaliwa na wapenzi wake zenye nembo ya mdhamini mpya wa Yanga.
Kuna taarifa za uwepo wa jezi feki mitaani zenye nembo ya Yanga pamoja na mdhamini mkuu tunatoa TAHADHARI kwa wapenzi wa Yanga kutonunua jezi hizo mana zinatengenezwa kwa Lengo la kuhujumu mapato ya klabu.
Tumeshatoa taarifa kwenye mamlaka husika ikiwemo jeshi la polisi na endapo mtu atakutwa amevaa hiyo jezi atawajibikia kuisaidia polisi katika uchunguzi.
Klabu itatoa taarifa sahihi ya lini jezi zake rasmi zitaanza kuwa mitaani.
Epuka kununua kisicho halali cha Yanga. . Epuka kuvaa jezi feki yenye jina la QUALITY GROUP.

TAKWIMU YA MECHI ZA SIMBA NA YANGA

■Jumla ya michezo : 91.
*Yanga wameshinda : 34.
*Yanga wamefunga magoli : 99. (Wastani wa goli 1.08)⚽
*Simba wameshinda : 25.
*Simba wamefunga magoli : 88. ( wastani wa goli 0.9 )
*sare michezo : 32.

- YANGA UBINGWA LIGI KUU : 26.
- SIMBA UBINGWA LIGI KUU : 18.
Pichani : Amiss Tambwe baada ya kutupia mpira wavuni akawauliza mashabiki wa Simba "Vipi Mnajisikiaje?,"

MAGAZETINI LEO TAR 30/09/2016

MKWASA AITA WACHEZAJI 24 KUIVAA ETHIOPIA OKTOBA 8 ADDIS ABABA

KOCHA Mkuu wa timu ya taifa ya Tanzania, Taifa Stars, Charles Boniface Mkwasa ametaja majina ya nyota 24 watakaounda kikosi ambacho kitasafiri mwishoni mwa wiki ijayo kwenda Addis Ababa, Ethiopia kucheza na wenyeji wetu kwenye mchezo wa kirafiki wa kimataifa utakaofanyika Oktoba 8, mwaka huu.
Mkwasa maarufu kwa jina la Master amesema wachezaji aliowaita wataingia kambini Oktoba 2, 2016 kabla ya kuanza kukiandaa kuanzia Oktoba 3, 2016 ikiwa mara baada ya michezo ya Ligi Kuu Tanzania Bara ya mwishoni mwa wiki hii ambako Mwadui itacheza na Azam huku Mbao ikishindina na JKT Ruvu Oktoba 2, mwaka huu.

Kocha wa Taifa Stars, Charles Boniface Mkwasa ameita wachezaji 24 kwa ajili ya mchezo dhidi ya Ethiopia Oktoba 8, mwaka huu mjini Addis Ababa

Nyota wa Stars walioitwa na Mkwasa ni Makipa; Deogratius Munishi 'Dida' (Yanga SC), Said Kipao (JKT Ruvu) na Aishi Manula (Azam FC).
Mabeki; Shomari Kapombe (Azam FC), Juma Abdul, Andrew Vincent, Mwinyi Hajji (Yanga SC), Mohamed Hussein 'Tshabalala' (Simba SC), David Mwantika (Azam FC) na James Josephat (Prisons).
Viungo ni Himid Mao (Azam FC), Mohammed 'Mo' Ibrahim, 
Jonas Mkude, Muzamil Yassin, Jamal Mnyate, Shiza Kichuya (Simba SC), Simon Msuva, Juma Mahadhi (Yanga SC) na Hassan Kabunda (Mwadui FC).
Washambuliaji ni Ibrahim Hajib (Simba SC), John Bocco (Azam FC), Mbwana Samatta KRC Genk (Ubelgiji), Elius Maguli (Oman) na Thomas Ulimwengu (TP Mazembe, DRC).
Mchezo huo ulio katika kalenda ya Shirikisho la Soka la Kimataifa (FIFA), utafanyika mjini Addis Ababa, baada ya maombi ya Shirikisho la Soka Ethiopia (EFF).
Hii ni faida kwa Tanzania kama itashinda mchezo huo kwa maana kina alama za nyongeza kama inatokea unaifunga timu mwenyeji.
Matokeo ya mchezo huo, ni sehemu malumu kupima viwango vya ubora na uwezo wa timu za taifa. Kwa sasa Tanzania inashika nafasi ya 132 kati ya nchi 205 wanachama wa FIFA zilizopimwa ubora. Ethiopia yenyewe inashika nafasi ya 126.
Argentina inaongoza ikifuatiwa na Ubelgiji anakocheza Mbwana Samatta – nyota wa kimataifa wa Tanzania. Samatta anacheza klabu ya K.R.C Genk inayoshiriki Ligi Kuu ya Ubelgiji. Timu nyingine bora kimataifa ni Ujerumani, Colombia na Brazil.
Katika Bara la Afrika, Ivory Coast ambayo ni ya 34 kwa ubora duniani ndiyo inayoongoza ikifuatiwa na Algeria, Senegal, Tunisia na Ghana.

SIMBA YAIKALIA VIBAYA YANGA SUALA LA KESSY, HATIHATI KUPOTEZA POINTI

Simba imeikalia pabaya Yanga katika suala la beki Hassan Kessy na taarifa zinaeleza kwamba, iwe isiwe, huenda Yanga inaweza kupoteza pointi katika mechi zote ilizomtumia beki huyo.

Taarifa zinaeleza, kamati iliyokuwa inalishughulikia suala hilo, imeona kuwa Kessy alikuwa bado ana mkataba na Simba wakati akisaini Yanga.

“Kamati imeona hivyo, imewaambia Yanga na Simba wakutane na kulimaliza. Mkataba wa Kessy unatakiwa kuvunjwa kwa dola laki sita, Simba inaonekana wamepiga mahesabu yao, wamepunguza hadi aslimia kumi ambaye ni dola elfu sitini.

“Hizi ni zaidi ya shilingi milioni mia ishiriki, si kidogo. Ndiyo maana kamati imesisitiza Simba na Yanga wakae wao na kumalizana. Sasa utaona hapa kuna shida.

“Yanga lazima wawaangukie Simba, la sivyo mambo yatakuwa magumu kwao. Tena katika mechi alizocheza Kessy au kukaa benchi, kama kamati itapitisha ni batili au usajili wake una matatizo, pia watapokwa pointi.

“Nafikiri aliyelishughulikia suala hili kama ni katibu wao, au kiongozi mwingine, hakuwa mzuri katika masuala ya mpira. Atakuwa ni mgeni au si mtu makini na ndiyo hivyo, Yanga sasa iko matatizoni katika hili,” kilieleza chanzo cha uhakika.

Awali, Simba ilisema iko tayari kumuachia Kessy lakini Yanga ilitakiwa kuandika barua. Mwisho Yanga haikufanya hivyo, Simba ikaamua kulivalia njuga, hata hivyo baadaye TFF ilimpitisha kuichezea Yanga.

MAGAZETINI LEO TAR 29/09/2016